Maa banana ek bahut hi sukhad ahsaas hota hai aur har maa banane wali mahila ko badi uksukta hoti hai ki kya wah prayas karne ke baad maa bani hai ya nahi. Kya aapko apne stano mai bharipan lagta hai ya phir bina bhari kaam kiye huye hi thakan ka ahsaas hone lagta hai. Agar aisa kuch hota hai to aapko khush ho jana chahiye kyuki aap maa banane wali hai.
Garbhdharan ke baad mahila garbhavastha ke vibhinn charno se gujarti hai. Prarambhik charno mai garbhavastha ki stithi ka pata nahi chalta, lekin doctor se bich-bich mai janch karane ya garbhdharan karne ki sambhavna hone ke baad iss stithi aur garbhavastha ke shuruaati lakshano ko pehchana jata sakta hai. Iss article ke jariye hum aapko yeh pregnancy ke lakshan aur garbhavastha ke pehle week ke bare batayege.
To aaiye jante hai garbhavastha ke pehle hafte aapko kya karna chahiye aur kya nahi karna chahiye. Inn uoay ko dhyan mai rakhe aur swasth rahe saath hi swasth bacche jo janm de. Agar aap swash rahege to aap swasth aur fit bacche ko janm de sakege.
Swasth mahila ko pratimah mahavari nischay samay ya uske aaspaas hoti hai, lekin garbhdharan ke pehle lakshan mai mahavari aana band ho jati hai. Garbhdharan ke prarambhik lakshano mai ji machalna, ulti hona, baar-baar peshab jana aadi bhi shamil hai.
Mahavari ke 14 din baad ovalution ka samay shuru hota hai. Yeh samay garbhdharan ke behtar hota hai. Garbhdharan ke baad hormone mai parivartan hone lagtre hai, jisse garbhavati mahila ke vyavahar mai utar-chadav aana shuru ho jata hai.
Garbhavastha mai ultiya aana ek vishesh lakshan hai. Baar-Baar ultiya aane aur garbhdharan ki shanka hone par antibiotic lene se accha hai ki doctor ki salah le. Garbhdharan ke baad aksar thakan rehne ki shikayat hone lagti hai. Sar dard rehne lagta hai, shuruaati dino mai pairo mai sujan dikhai padne lagti hai.
Garbhavastha ka prarambhik dour ek mahavari ke pura hone se dusri mahavari ke shuru hone ke bich ka hot ahai. Yani pehli mahavari ke antim din se dusri mahavari tak garbhadharan huye 28 din maan liye jate hai. Halaki yeh tay nahi hai, lekin aamtour par garbhdharan ki prakriya mai yahi formula apnaya jata hai.
Pregnancy First Week in Hindi: Garbhdharan ke Baad Aahar
Garbhdharan ke baad garbhavati mahila ke khaan-paan mai turant badlav kar dena chahiye. Ab use apne liye nahi balki apne garbh mai pal rahe bhruna ke liye bhi khana chahiye. Garbhdharan ke turant baad yani prarambhik charan se hi madirapaan, nashile padartho ka sevan aadi band kar dena chahiye. Doctor se sampark kar apni khaane-peene ki aadato aur anya dincharya jese rahan-sahan aadi ke baare mai baat karni chahiye, taki doctor aapko sahi salah de paye.
Apne aahar mai vitamin, protein aur calorie ki matra badha deni chahiye. Lekin dhyan rahe vitamin e aur c ki matra kitni li jaye iss bare mai doctor se paramarsh kar le. Garbhdharan ke baad shuruaat mai vitamin b yani folic acid ka sevan kare. Iss vitamin ko lene se hone wale bacche mai janmjaat dimaag aur ridh ki haddi mai kharabi hone se bacha sakta hai. Halaki doctor se bhi salah leni chahiye ki kya aap uchit matra mai iss vitamin ka upyog kar rahi hai.
Iske alawa bhukh na lagne par bhi thoda thoda khate rehna chahiye, jisse bacche ko bharpur poshan milta rahe aur aap doctor se apna diet chart banwa sakti hai.
