Love bite, hikki ya phir kahe partner ke sharir par kiss ke nishan, yeh sharir par tab padte hai jab tezi se sharir ke ang par kiss ya bite kiya jaye. Ise dekhne par aisa malum hota hai ki sharir par kisi prakar ki chhot lagi ho. Ise dur karne ke liye hum laye hai aise kuch asardar gharelu upay jinki madad se aap inn nishan ko aasani se dur sakti hai aur pehle jesi dikh sakti hai.
Log pyar ki nishani chodne ke behad shokin hote hai, aitihasik imarate ho ya phir koi park mai lage tree ke tann, premi jod apne pyar ka nishan waha chodna behad pasand karte hai. Aise hi ek pyar ki nishani chhodne ka paschimi tarika hai, love bite.
Yeh love bite dikhne mai nile ya laal rang ke lagte hai aur kabhi-kabhi to inme sujan bhi saaf jhalakti hai. Love bite ke size ko chhota karne ke liye aap thandi chizo ka prayog kar sakti hai, isse uss jagah par blood flow hone lagega aur lalima gayab ho jayegi. To aaiye aise kai tarike hai jinse aap love bite ke nishan ko dur kar sakte hai.
Pineapple:-
Ananas ke chhote tukde katkar use nishan par lagaye. Ya phir iska juice bhi prayog kiya ja sakta hai. Ise din mai kai baar prayog kare, aapka nishan halka pad jayega. Iske alawa aap thandak aur aaram pane ke liye ise nishan par lagakar aap massage kare.
Toothpaste:-
Love bite par toothpaste lagane se bhi fayde hote hai. Isse nishan turant hi halka pad jata hai. Tooth paste ko love bite par lagaye aur phir 10 minutes ke baad gungune pani se dho le.
Sharab:-
Yeh thandi aur kitanunashak guno se bhari hoti hai, jisko nishan par ek rui ke fahe se lagana chahiye. Ek baar jab yeh sukh jaye tab turant hi mosturizer laga le. Isse aapke love bite ke ishan dur hote hai.
Garam Sikai Kare:-
Agar love bite 2 se 3 din purana ho gaya hai to uski kisi garam chiz se sikai kare. Iske liye aap ek toliye ko garam pani mai bhigo de aur use love bite par lagaye. Iss tarah se uss jagah par blood circulation sucharu ho payega aur twacha ka rang halka padega. Lekin kabhi bhi garam pani sidhe twacha par na lagaye.
Upar aapne jane love bite ke nishan ko dur karne ke aasan gharelu upchar. Inn tariko se aasani se apne inn nishan ko dur kare.
