Aaj kal aamtour par dekha gaya hai ki sex problem ek normal baat ho gayi hai. Jisse bahut se log grasit hai. Youn samasya hone par aap apne saathi se dur ho jate hai. Lekin yeh itni badi problem nahi hai jiska koi solution nahi ho.
Ek taraf jaha pati-patni ke sambandh mai sex ka bahut mahatva hota hai wahi sex samasyao ko bhi inse alag rakhkar nahi dekha ja sakta hai. Purusho ke saman mahilao ki bhi sex iccha hoti hai. Adhura aur sahi samay par sambhog ke pura na hone par mahilao ko sharirik aur mansik pareshani hoti hai.
Mahilao ka sex kewal sambhog tak simit nahi hota, balki sparsh, chumban aadi se bhi unhe santushti milti hai. Aaiye hum aapko batate hai ki kon-kon se sex samasyaye aati hai aur unka samadhan kya hai.
Sex Mai Kami:-
Mahilao mai sex mai kami depression, thakan ya tanav ki wajah ho sakti hai. Iske alawa aur bhi wajah ho sakti hai jese partner jiss tarah chhuta hai, wah pasand nahi aana, pasina se ya unke muh se paan-tambaku wagerah ki badbu aana aadi. Kai mahilao ko sharir ke kuch khaas hisso par haath lagane se dard mahsoos hota hai ya acchi nahi lagta. Isse bhi wah sex se bachne lagti hai.
Lubrication ki Kami:-
Mahilao ke janan and mai lubrication (gilapan) ko uttejana ka paimana mana jata hai. Kuch mahilao ko isme kami ki shikayat hoti hai. Aise mai sahawas kafi takleefdeh ho jata hai. Lubrication mai kami 3 wajah se ho sakti hai. Infection, hormones mai gadbadi ya phir tarike se foreplay na hona.
Sahavas:-
Kuch mahilao ko sahavas ke douran dard hota hai. Kai baar yeh dard bahut jyada hota hai aur aise mai mahila sex se bachne lagti hai. Saathi ko iss dard ka ahsaas nahi hota. Use lagta hai ki saathi mahila aur sahayog nahi de rahi hai.
Orgasm na Hona ya Der de Hona:-
Mahilao mai yeh shikayat aam hoti hai unka partner unhe santusht kiye bina hi chhod deta hai. Kuch ko orgasm nahi hota aur kuch ko hota hai, par mahsoos nahi hota. Kuch mahilao ko lubrication ke douran hi jaldi orgasm ho jata hai. Kuch ko bahut der se orgasm hota hai.
Vaginal Pain:-
Kbahi-kabhi mahilao ko nabhi ke niche aur pubic area ke aas-paas dard mahsoos hota hai. Yeh dard wesa hi hota hai, jesa periods ke douran hota hai. Iski wajah yeh hai ki uttejana hone par private part ke aas-paas khoon ka bahav hota hai. Aise mai lubrication hota hai, par climax nahi hota. Isse iss area mai khoon kam jata hai aur dard hone lagta hai.
Samadhan:-
Sex samasya ka sabse bada karan hai, pati-patni ka sex samasyayo ke bare mai baat karne se katrana. Pati aur patni dono mai aapsi samajh itni honi chahiye ki ek-dusre se koi bhi baat na chupaye. Itna hi nahi iss mamle mai patni kabhi pahal nahi karti. Aise mi pati ko chahiye ki unka vyavahar aisa ho ki unki patni unse har baat share kar sake.
Yadi aap chahte hai ki aap apne jivansaathi se sabhi samasyayo khaaskar sex samasyayo ke baare mai baatchit kar sake to aapko apne saathi ko vishvaas mai lena hoga. Yadi aap apne jivanshati ko apni koi sex samasya ke bare mai batana chahte hai to aap use sidhe-sapat shbdo mai na kahe balki uske liye thoda samay le aur apne saathi ko baatchit aur pyar se sahaj kare. Iske baat samanya baatchit k baad hi apni samasya bataye.
